Guorahallan bargu dahkkojuvvot ovttas Sámi ealáhus- ja guorahallanguovddážiin (SEG), Norsk institutt for naturforskning (NINA) ja Sámi info. Kártemii gullet buot eatnamat mat leat Porsáŋggu gielddas man Finnmárkkuopmodat (FeFo) válddii badjelasas Stáhtameahcis mii bođii fápmui suoidnemánu 2006:s. Dat guoská maid eatnamiidda maid FeFo sáhtii maid leat hálddašan dán áigemeari maŋŋá.

Guorahallan vuođđuda informašuvdnii mat bohtet jearahallamiin válljejuvvon ovttaskasolbmuin geat ovddastit vuođđoealáhusaid, joavkkuid ja servviid Porsáŋggus. Sii bovdejuvvojit čilget otná ja ovddeš luonddugeavahusaid ja guovlluid mat leat FeFos eatnamiin, ja riekteáddejumiid mat laktašuvvet dan geavahussii. Jearahallamat álggahuvvojit  2022:s, ja jearahallangiella lea sámegiella, kveana dahje dárogiella. Dan lassin sisttisdollet vel čálalaš gáldut ja eará čálalaš materiálat.

Historjjálaš logahallan ássansajiin ja resursageavaheamis lassin de gártá guorahallan dáidda:

• Geavahus ja riekteáddejupmi boazodoalus
• Dáloniid ja earáid (olggobeale boazodoalu) geavahus ja riekteáddejupmi
• Geavahus ja riekteáddejupmi laktašuvvan vutnii; luossabivdu mearas, vuotnabivdu ja eará mearraresurssaid geavahus
• Olggobealolbmuid astoáigegeavaahus

Guorahallama ulbmil lea kártet geat leat guovllu geavaheaddji, geavaheami sisdoalu, viidodat ja áigodat, nu maiddái riekteáddejumit laktašuvvan geavaheapmái. Guorahallanjoavkku jođiheaddji, Alma Thuestad NIKU Davviguovlluossodagas Romssas, deattuha ahte jearahallamat eai leat konkrehta riektegáibádusaid registreremat, dan lágan gáibádusaid ferte sáddet njuolgga Finnmárkokommišuvdnii. Guorahallan ii galgga maid váldit beali vejolaš riektegáibádusaide dahje ráhkadit konklušuvnnaid vejolaš priváhta dahje kollektiiva rivttiin, go dat lea Finnmárkokommišuvnna bárgu riektegažaldagaid čielggadit.

NIKU lea árabuš čađahan máŋga áššedovdi guorahallama Finnmárkokommišuvnna ovddas:

• Guovlu 1 Sievju/Seiland, Stierdná/Stjernøya (válbmejuvvon 2011:s)
• Guovlu 2 Unjárgga gielda/Nesseby kommune (válbmejuvvon 2011:s)
• Guovlu 3 Sørøya/Sállan (válbmejuvvon 2011)
• Guovlu 4 Kárášjohka/Karasjok (válbmejuvvon 2013:s)
• Guovlu 6 Varangerhalvøya vest: Berlevåg og Båtsfjord (válbmejuvvon 2013:s)
• Guovlu 7 Tana/Deatnu (válbmejuvvon 2017:s)
• Guovlu 8 Guovdageaidnu /Kautokeino (válbmejuvvo 2022:s).

Gažaldagat mat gusket guorahallamii dahje beroštupmi searvamii sáhttá čujuhit deike:

Alma Thuestad, NIKU
Tel. 90856303
E-poasta. alma.thuestad@niku.no

Postačujuhus:
Norsk institutt for kulturminneforskning (NIKU)
Framsenteret
Postboks 6606, Stakkevollan
9296 Romsa