Áššedovdi guorahallan Finnmárkokommišuvnna várás Guovlu 8 – Guovdageaidnu /Kautokeino.
NIKU lea dahkan soahpamuša Finnmárkokommišuvnnain ráhkadan dihtii “Áššedovdi guorahallama geavaheamis ja riekteipmárdusas mii guoská eatnamiid ja čáziid ávkkástallamis Guovlu 8:s – Guovdageaidnu /Kautokeino.
Bargu dahkkojuvvo ovttas Sámi ealáhus- ja guorahallanguovddážiin (SEG), Norsk institutt for naturforskning (NINA), Sámi info ja jurista Nikolai K. Winge:n. Kárten guoská buot eatnamiidda Guovdageainnu suohkanis man Finnmárkkuopmodat (FeFo) válddii badjelasas Stáhtameahcis go Finnmárkoláhka váldojuvvui adnui suoidnemánu 1. b. 2006:s. Dat guoská maiddái eatnamiidda maid FeFo livččii hálddašan dan beaivemeari maŋŋá maiddái.
Guorahallan čađahuvvo ovdal go jahki 2019 lea vássán ja dat vuođđuduvvo čálalaš gálduide ja eará čálalaš materiálaide. Dan lassin čađahit NIKU ja SEG jearahallamiid válljejuvvon ovttaskasolbmuiguin ja vuođđoealáhusaid ovddasteddjiiguin, vuođđudusaiguin ja servviiguin Guovdageainnus. Dat bovdejuvvojit boahtit čilget otná ja ovddeš geavahusa luondduresurssain guovlluin mat leat FeFo eatnamiin, ja riekteipmárdus mii čatnašuvvá geavahussii. Jearahallamat álggahuvvojit 2018:s, ja jearahallangiella šaddá leat sámegiella dahje dárogiella.
Ássama ja resursageavaheami historjjálaš oppalašgova lassin áigu guorahallan fokuseret dáidda:
- Geavahus ja riekteipmárdus boazodoalus
- Dáloniid ja earáid (boazodoalu olggobealde) geavahus ja riekteipmárdus
- Olggobealleássiid astoáigegeavahus
Guorahallama jođiheaddji, Elin Rose Myrvoll gii lea NIKU Davviguovlluossodagas Romssas, deattuha ahte jearahallamat eai leat riektegáibádusat Finnmárkokommišuvdnii, muhto oassin áššedovdi guorahallamis man ulbmil lea kártet geavahusa ja riekteipmárdusa. Guorahallan ii maid galgga váldit oaivila vejolaš riektegáibádussii dahje dahkat konklušuvnnaid vejolaš priváhta dahje kollektiiva rivttiin, dalle lea Finnmárkokommišuvnna bargu veardádallat riektegažaldagaid.
NIKU lea árat čađahan máŋga áššedovdi guorahallama Finnmárkokommišuvdnii:
- Guovlu 1 Sievju/Seiland, Stierdná/Stjernøya (válmmaštuvvon 2011)
- Guovlu 2 Unjárgga gielda/Nesseby kommune (válmmaštuvvon 2011)
- Guovlu 3 Sørøya/Sállan (válmmaštuvvon 2011)
- Guovlu 4 Kárášjohka/Karasjok (válmmaštuvvon 2013)
- Guovlu 6 Várjjatvuotna oarji: Bearalveaddji ja Báhccavuotna (válmmaštuvvon 2013)
- Guovlu 7 Tana/Deatnu (válmmaštuvvon 2017)
Gažaldagat mat gusket guorahallamii dahje jus lea miella searvat jearahallamii čujuhuvvojit:
Elin Rose Myrvoll, NIKU
Tlf. 95062570 e-post: elin.myrvoll@niku.no
Postadresse: NIKU, Framsenteret, Postboks 6606 Langnes, 9296 TROMSØ